Нашы ініцыятывы

Міждысцыплінарны метадалагічны семінар

Серыя адкрытых сустрэч для даследчыкаў і даследчыц, прысвечаная метадам працы на скрыжаванні гуманітарных, сацыяльных і тэхналагічных навук. Семінар стане платформай для абмену ведамі, дыскусій і распрацоўкі навуковых падыходаў, актуальных для Беларусі.

Прэзентацыя спецыялізаваных навукова-адукацыйных цэнтраў

Валовіч-Форум

Штогадовая міжнародная сустрэча даследчыкаў, выкладчыкаў і студэнтаў, прысвечаная актуальным праблемам Беларусі ў глабальным кантэксце. Форум будзе спалучаць акадэмічныя дыскусіі, публічныя лекцыі і культурныя падзеі, ствараючы прастору для шырокага дыялогу

Праект “Валовіч-Асвета”

Ініцыятыва, скіраваная на развіццё асветніцкіх практык: публічныя лекцыі, адкрытыя дыскусіі і анлайн-курсы, прысвечаныя гісторыі, мове, культуры і сучаснасці Беларусі. Мэта — пашырыць беларускую прысутнасць у міжнароднай адукацыйнай прасторы і падтрымаць культуру крытычнага мыслення.

Праект “Навуковыя гарызонты Універсітэта Валовіча”

Серыя даследчых праграм, якія аб’яднаюць маладых навукоўцаў і экспертаў вакол складаных міждысцыплінарных тэм. Праект дасць магчымасць ствараць сумесныя даследаванні, публікацыі і канферэнцыі, развіваючы беларускую навуковую школу.

Рэгістрацыя часопіса “Valovič Journal of Belarusian Research”

Запуск акадэмічнага часопіса, прысвечанага аналізу сучасных працэсаў у Беларусі і рэгіёне. Часопіс будзе публікаваць артыкулы беларускіх і замежных аўтараў, прапаноўваючы навуковую дыскусію пра выклікі і перспектывы краіны. Першы нумар плануецца ў 2026 годзе.

Цыкл адкрытых лекцый

Серыя публічных лекцый і дыскусій у розных гарадах Польшчы, прысвечаная гісторыі, культуры, сацыялогіі, антрапалогіі, міжнародным адносінам і крытычнаму мысленню. Праект аб’ядноўвае беларускіх даследчыкаў і даследчыц вакол актуальных пытанняў сучаснасці, ствараючы адкрытую прастору для асветы, навуковага дыялогу і развіцця культуры крытычнага мыслення ў беларускім асяроддзі. Першая серыя лекцый была рэалізаваная ў другой палове 2025 — першай палове 2026 года.